Azkeneko bisita iragan ostiralean egin zuten. Oraingo honetan, Deustuko unibertsitatea ezagutzera abiatu ziren goizeko 11ak aldera. Bertan, instalazioak ezagutzeko aukera izan zuten eta datorren ikasturtean eskainiko dituzten graduen inguruko azalpenak jaso zituzten. Batzuk hasi dira dagoeneko euren aukerak murrizten; besteak, aldiz, urrunago daude behin-betiko erabakitik. Dena den, hilabete batzuk dituzte oraindik bisita hauetatik jasotako informazio dena kudeatzeko eta hausnartzeko.