“Bi dorretxe lotuko dituen zubia.”
Horrela, ospaketa ekainaren 21ean izan zen. 2. Mailako ikasle eta irakasleak Ikastola txikitik abiatu ziren, Sagarmendi dorretxearen babesetik eta beraiekin bertan izandako bizipenen
lekuko, bi adar luze zeramatzaten eskuz-esku; gure sagarrondoa eta astigar japoniar gorriarenak. Trikitixarekin jaitsi ziren “Juanita Alkain” plazaraino eta han kantari eta korrika “ Eugenio
Arregi” zubia igaro “Txistokiko dorretxe” berriruntz, pozez algaraka. Bi izen Juanita eta Eugenio atera ziren taldearen bidera, ibilbidearen lehenengo geldiunean; beraiek ere gure ikasleen babesle. Nola ez dira ba izango babesle, gure ikastolaren sorreran hor egon bait ziren. Juanitak utzi zuen etxea, hortxe plaza horretan zegoena, Ikastolaren lehen eraikuntza izan zen eta Eugenio berriz, eragile kementsu ikastolaren sorrerako taldean.
Leizaran eta Oria ibaiak dagoeneko elkartuta datoz, ibai bakarra dira eta gure ikasleak ibaiarekin batera iritsi ziren Txistokiko jolas eremu handira eta han, 3. mailako ikasle eta irakasleek egin zieten ongi etorria. Suziriaren txinparta zaratatsuarekin batera hasi zen soka-dantza eta gorpuztu zen taldearen indarra eta babesa.
“Denok soka bakarra gara”
sarrera nagusia. “Gorputzak soka bakarrean lotuz, elkarren arteko sokaren gogoa dantzan jarri zen.”
Argazki gehiago ikusteko, egin KLIK HEMEN.
