Asteburuan jai? Ezta pentsatu ere! Asteburu honetan Bazkardoko langile batzuk Montessori Haur Hezkuntzan ikastaroan egon dira Sandra Vallcaneraren eskutik. Lan egiteko metodologia eta material ezberdinak ezagutzeko aukera izan dute eta gurera ekartzeko ideia interesgarri asko ekarri dituzte. Asteburu interesgarria zein probetxugarria izan da, primerakoa!

Aurtengoan ere Bazkardoko Ostegun Gizenerako laguntza aparta izan dugu! Urtero bezala Bazkardoko familia ugari gerturatu dira apaingarriak egin eta margotzera. Sekulako artista koadrila zarete, MILA ESKER! Ostegunean Bazkardo magiaz betetzen da eta zuen laguntzarik gabe hau ez litzateke posible izango, beraz, mila mila esker egindako lanagatik Argazki gehiago ikusteko KLIK HEMEN.

Gure Ikastolako jangelan berrikuntzak txertatzen ari gara elkarlanean Aibak enpresa eta Ikastola. Azken urteetan jantokia ikasgeletan jasotzen den heziketaren luzapena bilakatzen ari gara; horretaz gain, jaki berri eta osasuntsuak dastatzeko menu osasungarriak prestatzen dizkigute. Bertako jakiak eta jaki osasuntsuak ditugu gure jangelan: Barazki ekologikoa, Azalorea, Brokolia, Jogurt naturala… Patata tortilla momentuan sukaldatuta ekartzen digute gure […]

Haur Hezkuntza  4. mailako txikiak Inauteriak prestatzen ari dira buru-belarri.  

Ikastolako 1. Batxilergoko ikasleek, beraien ingurumen kontzientziak bultzatuta, zuhaitz landaketa bat egin nahi izan zuten CO2aren murrizketa bultzatzeko. Ekintza hau, Eskola Jasangarrien agiria duten ikastetxeon sareak, hau da, IRAES 21 sareak bultzatutako ingurumen heziketan bideratutako jardueren artean kokatuta dago. Ikastolatik eskertu nahi dugu Andoaingo Udalak ekintza honetan eman digun laguntzagatik. Eta nola ez, ikasleak zoriondu […]

Urteroko moduan, Gabonen bueltan ikastolako ikasle ohiak izan genituen bisitan Ikastolan.  Ikastola amaitu ondorengo ikasketen inguruko esperientzia eta bizipenak kontatu zizkiguten. Gure ikasleek zalantzak eta kezkak modu hurbilago batean argitzeko aukera izan zuten.

Ingelesez ere ezin hobe antzezten dutela erakutsi digute beste behin Lehen Hezkuntzako 3. mailako ikasleek. Aste hauetan, ilusio handiz eta lan eskergaz egindako “The wolf and the seven little kids” antzezlanak aurkeztu dituzte familien aurrean. Azken hilabetetan landutako abestiez eta antzerkiaz gozateko aukera paregabea izan da eta ikasleak oso gustura aritu dira. Eta jaso dituzten […]

Otsailaren 4a, Santa Ageda bezpera. Usadioari jaraituz, goizean Bazkardoko ikasleak eta arratsaldean Lehen Hezkuntzako 3-4-5-6. mailetako ikasleak eta irakasleak, oles ta oles eginez ibili ziren. Bazkardoko ikasleek goizean, Ikastolako aterpean abestu zituzten koplak euria ari zuelako. Arratsaldean berriz, Lehen Hezkuntza 3-4-5-6. mailetakoak, ikastolan bertan abestu zituzten koplak eta baita zenbait pertsonei zuzenduta espereski asmatutakoak: zuzendaria, […]

Andoaingo Zine eta Bideo Eskolako zikloa burutzen ari diren ikasle talde batek bideo bat egin dute eskolako proiektu moduan. Ikasle talde honen tutorea Ainhoa Aiertza da, Aita Larramendi Ikastolako ikasle ohia eta proiektua aurrera eramaten lagundu diena. Bideoaren gaia gure Ikastolaren metodologia eta eraikinaren aldaketa izan da; horregatik, egun batzuetan Ikastolan izan dira ikasle hauek […]

Bi urtekoak goiz pasa Donostiako Aquariumera joan ziren. Koloretako arrainak, marrazoak, itsas zaldiak, olagarroak… ikusi zituzten. Gainera, eskuak uretan sartu eta arrainak ukitzeko aukera izan zuten, baina oso azkar ibili ziren eta ihes egiten zieten. Goiz ederra pasa zuten!!