Ingelesez ere ezin hobe antzezten dutela erakutsi digute beste behin, Lehen Hezkuntzako 4. mailako ikasleek. Pasa den astean, ilusio handiz eta lan eskergaz egindako “The circus show” antzezlanak aurkeztu zituzten familien aurrean. Azken hilabetetan landutako abestiez, magia trukoez eta txisteez gozateko aukera paregabea izan zen eta ikasleak oso gustura aritu ziren. Eta jaso zituzten txalo […]

Gure txikienak arraindegia bisitatzera joan ziren. Bertan arrain pila bat ikusi eta ezagutu zituzten: antxoak, bakailua, legatza… Gainera gero Nafarroa Plazan pixka bat jolastu eta hamaiketako egin zuten. Primerako goiza izan zen. Mila esker Enararen amari eta amonari!          

Bazkardo egunetik egunera aldatzen doa, ongi dakite egunero bertara gerturatzen diren familia eta ikasleek. Egunero badugu zer ikusia! Langileak jo eta su dabiltza lanean eta gure etxetxoak jada, horma bakan batzuetan bihurtu dira. Obrak primeran doaz! Ikasleak balkoira igo eta jolaslekuan dauden makinak ikusteko desiatzen egoten dira. Hori bai ikuskizun ederra! Bazkardoko jolaslekua faltan botatzen […]

Santa Krutzak igaro diren honetan, LH 5. mailako ikasleek, herri kirolak ezagutu eta praktikatzeko aukera izan dute, Gipuzkoako Herri Kirol Federakuntzaren eskutik. Ainhoa Galarraga etorri zitzaien hauek ezagutaraztera eta kirolak nolakoak diren azaltzeaz gain, hauek nola sortu ziren azaldu zien. Herri kirolak lanbide ezberdinetatik sortu zirela ikasi ahal izan dute. Batzuk baserri lanetatik eratorriak dira, […]

Lehen Hezkuntzako 6. mailakoak, festa tartean zegoen eguna aprobetxatuz (maiatzaren 2a), Oñatiko kobak ikustera joan ziren, gelan lantzen ari diren gaiarekin lotura zuzena izanik. Hiru taldetan banatuta, Historiaurreko gizakiak nola bizitu ziren azaldu zieten. Ondoren, ikatza eta margo bereziekin, bakoitzak bere eskulana egin zuen. Jarraian, gehien gustatu zitzaiena: Arrikrutz koba zeharkatu zuten,  begiralearen azalpenak entzunez. […]

Usadioari jarraituz, Sta Krutz jaiak direla eta,  Lehen Hezkuntzako 3-4-5-6. mailako ikasleek danborrada alai eta koloretsu batez murgildu dira festa hauetan. Lehendabizi, frontoian elkartu eta danborrada jo zuten, bertan bildutako guztien gozamenerako. Ondoren, Zumea Plazara joan ziren, kalejiran, eta han, herriko beste ikastetxeetako lagunekin batera, festei hasiera eman zieten bertso bidez egin zuten pregoiarekin. Eta […]

Gaur goizean Batxilergoko 1. mailako ikasleak DIPC (Donostia International Physics Center) eta CFM (Material Physics Center) bisitatzen izan dira eta nola egiten duten lan ikusi dute. DIPC zentruaren helburu nagusia materialen zientzian garapena oinarrizko ikerketaren eta ikerketa oinarrizko-bideratuaren mailarik altuenera sustatzea eta katalizatzea da. Sortu zenetik, DIPC instituzio irekia izateaz gain, Euskal Herriko Unibertsitateari lotuta […]

Haur eta Lehen Hezkuntzako neska-mutilek, Korrika Txikia ospatu dute. LH ko 3-4-5-6. mailakoek lekukoa kalez kale eraman dute, Ondarreta eta Lasalle-Berrozpeko ikasleekin batera eta Goikoplazaraino. Udaletxeko balkoitik mezua irakurri dute, azkenik. “Hitzegin euskaraz, jolastu euskaraz, ikasi euskaraz, bizi euskaraz!” adierazi dute, besteak beste. Argazki guztiak ikusteko, KLIK HEMEN (iturria: Aiurri) – Bazkardoko txikiek ere, bere […]

“Ongi Etorri” proiektuaren harira, azken bi aste hauetan zehar “Liburuaren Astea” ospatu dugu, Haur Hezkuntzan eta baita Lehen Hezkuntzan ere. Horretarako, gonbidatu bereziak izan ditugu, zer nolako gonbidatuak gainera! Argeliako, Marokoko, Errumaniako, Venezuelako, Senegalgo, Nigeriako… familiek beraien hizkuntzan ipuin bat kontatu ziguten eta ondoren, familia euskaldunaren txanda izan zen. Ikasleek txunditurik eta adi-adi entzun zuten […]

Apirilaren 5ean Werther herriko ikastetxeko 30 ikasle Andoainera etorri ziren, gure Batxilergoko ikasleekin elkartruke proiektua aurrera eramateko. Martxoan, gure ikasleak Werther herrian izan ziren bertako ikasleekin elkartruke proiektua gauzatzen, orain ikasle Alemanak dira bisitan ditugunak. Aste-bukaera Andoaingo familiekin igaro ondoren, astelehenean ikastolara gerturatu ziren Alemanak gure ikastola ezagutzera. Bertan, harrera egin zitzaien ongi etorri moduan. […]