Lehengo ostegunean, bostgarren mailako ikasleek aiton-amonak gonbidatu zituzten gelara beraien erakusketa ikustera. Hiruhileko honetan zehar egindako lanak ikusgai jartzeaz gain, ikasitakoaren inguruko azalpenak eman zituzten ikasleek: landareen garrantzia, sortutako herbarioa, urtaroen maketa, euskal sinboloak, tradiziozko festak… Aiton-amonak gustura asko egon ziren bilobek mimo handiz prestatutako azalpenak entzuten. Mila esker aiton-amona guztiei etortzeagatik, primeran pasatu genuen!

Asteartean, abenduaren 3an, Xabier Eguna ospatu genuen Ikastolan. Egun osoko ospakizuna izaten da: antzerkiak, jolasak, dantzak, abestiak, animo oihuak eta algarak… Horiek guztiak dira Xabier Eguna gurean. Eta horiek guztiak ikus ditzakezue argitaratu berri ditugun argazki-bilduma eta bideoetan. On dagizuela. Xabier Eguna, Bazkardon Xabier Eguna, LH 3-4, jolasak Xabier Eguna, LH 5-6, jolasak

Ikastolako langileak EITB Maratoiak proposatuarekin bat eginez, haur minbiziaren aurkako borrokan lagunduz, “Lau Teilatu” kantaren bertsio hau egin zuten. Espero dugu gustukoa izatea. #eitbmaratoia 

Abenduaren 29an, urtero moduan, Ikastolako Batzordekide ohien afaria ospatu zen. Bertan, gaur egungo Artezkaritza batzordekideak eta “betiko” Batzordekide ohiak bildu ziren mahai inguruan. Ohiturak dioen bezala, menu berezi bat dastatu zuten; Batxurizopa, Bakailaoa eta Gaztainak. Oso giro polita sortu zen afarian; Ikastolaren sorrerako istorioak gogoratu ziren eta beste hainbat anekdota kontatu ziren bertan. Hurrengo urtean […]

Rikardo Arregi hil zeneko 50. urteurrenaren harira Andoaingo Udalak, AEK euskaltegiak eta Manuel Larramendi Bazkunak antolaturiko  “Rikardo Arregi irakurtzen” ekimenean parte hartu zuten ostegunean, ikastolako Batxilergoko 1. eta 2. mailako zenbait ikaslek eta irakaslek. Andoaingo kazetari, ekintzaile eta euskaltzalearen oroimenez haren artikuluen irakurraldi publikoa egin zen egun osoan zehar, Basteroko plazan. Lehen irakurleak Rikardo Arregiren […]

Ikastola, haurraren beharrak eta interesak asetuko dituen testuinguru egokia izan behar du. Horregatik, espazio berriak pedagogiaren esanetara diseinatu ditugu, Ikastolan, haurra etxean bezala sentitu dadin, goxo eta seguru. ETORRI GUREKIN IKASTOLARA!!!  MATRIKULAZIOA 2020-21 Ate irekiak, urtarrilaren 18an. Matrikulazioa, otsaileko lehen hamabostaldian.

Azaroak 25 Emakumeen aurkako indarkeriaren kontrako nazioarteko eguna zela eta, indarkeria matxistak eragiten dituen ondorioen inguruan pentsatzen aritu ziren ikasleak. Aste osoa gaia lantzen pasatu zuten, ipuinak irakurri, elkarrizketak izan, apaingarriak prestatu… Ostiralean, berriz, astean zehar prestatutako adierazpen lanekin  horma- irudi dotoreak sortu zituzten Bazkardoko ikasleek. Mural hau aprobetxatuz goizean goizetik, ikasleek egindako artelanekin argazkiak […]

Lehen Hezkuntza 1. mailakoak gelditu gabe dabiltza, dinosauroen izenak, zergatik  desagertu ziren , nolako tamaina zuten… ikasi dute. Horrela, “Dinosauroen garaiko maketa” bat egin zuten eta familiak gonbidatu zituzten hau ikustera. Izugarri gustatu zitzaien, baita sumendia lehertu zen momentua ere.   Bestalde, igerilekuan ere ibili ziren. Igerian ikasten, baita aldageletan beraiek bakarrik arropa janzten ere. […]

Joan den ostiralean, Batxilergoko 1Z-ko ikasleak CFM eta DIPC ikerketa zentroak ezagutzera joan ziren, Donostiako Ibaetako unibertsitate eremura. Bertan, euskal ikerlari gazte baten azalpenen bidez, ikerketa zentroen zereginari, nanozientziaren hastapenei eta karrera zientifikoari buruzko informazioa eskuratu zuten. Horrez gain, hiru laborategi bisitatzeko aukera ere izan zuten. Besteak beste, disoluzioekin loturiko esperimentu bat egin zuten eta […]