Gure historia
Gure historia
GEROAK ESAN BEZA
Ikastola honetan su-epel giroa nabarituko duzu; ezinbesteko txinparta batzuk ere bai.
Su-bajuaren epeltasuna darama, izpirituaren argia eta bularraren arnasa,
Andoain herri euskalduna, egunetik egunera euskaldunagoa izan dadin.
Zure eskuetan duzu gure oparia, gure ametsa.Gatozen Orixerengana: “Geroak esan beza”.
On Eugenio Arregi. Andoain, 1988.
1963ko azaroaren 12an ireki zituen ateak Andoaingo Aita Larramendi Ikastolak; 53 haurrek eta 2 irakaslek estreinatu zuten egun hartan Ikastola, Doña Juanita Alkainek utzitako etxean.
Andoaingo haurrak euskaraz hazi eta hezteko helburua genuen. Euskal kulturatik abiatuta, herriko haurrei euskara hutsezko hezkuntza eskaintzen zien lehen ikastetxea izan ginen. Eta horretan dihardugu.
Zuri-beltzeko argazki bat dirudien arren, hamaika kolorez betetako irudiak ditu gure Ikastolak. Hainbat lekutan izan genituen ikasgelak, Andoainen jaio eta hazitako euskal nomadak izan ginen. Hazten joan ginen ordea, etengabe gorantz begira.
Hala ere, bada zerbait aldatu ez dena:
- Ikastolak familiena izaten jarraitzen du, Herri Onurarako Kooperatiba Europarra baikara.
- Haur euskaldun eleanitz konpetenteak heztea da gure helburua, Europa mailan saritutako materialaren laguntzaz.
- Mundu zabalera begira dagoen euskal eskola da Andoaingo Aita Larramendi Ikastola, kanpora begira dagoena, erroak non dituen ahaztu gabe; euskaratik eta euskaraz lanean ari dena.
Ikastola gara
Ikastola gara
Euskal Herriko Ikastolak elkarteko kide gara. Ikastolan euskara lehen hizkuntza da irakaskuntzarako komunikazio bide eta tresna bezala. Hizkuntz eta didaktika mailako ereduak denboraren gorabeherei egokitzen eta hobetzen joan gara eta goaz, baina euskararen erabilera aldaezinezko helburu bezala mantentzen dugu.
Tradizioa eta kultura garaikidea uztartuz. Euskaldun izateak, euskara jakin eta hitz egiteaz gain, beste ezagupen eta ohiturak barneratzea eskatzen duela uste dugu: herri bezala ditugun historia, ohiturak eta ñabardurak ezagutuz, biziz eta sentituz.
Aniztasunari erantzuten diona. Ikasle guztiei oinarrizko ikasketa eta harreman heziketarako esperientzia multzo berbera eskaintzen diegu, ezaugarri bereizgarriak alde batera utziz.
Generotik kanpo egiten dugun hezkuntza bultzatzen dugu. Sexismoa, rol eta balio tradizionalak baztertu eta pertsona bakoitzaren nortasuna eta izaera aintzat hartzen duen ikastola gara.
Zure seme edo alabaren hezkuntza eta Ikastolaren kudeaketa orokorra denon artean daramagu aurrera. Parte hartzeko hainbat modu eta maila daude:
- Batzar Nagusia
- Artezkaritza Kontseilua
- Gelako Guraso Ordezkariak
Teknologia eta zientzien berrikuntza eta garapenak bereganatuz, gizakiaren balore etiko eta moralak indartzea gure asmoa da, aspektu biak elkarren kontra jarri gabe. Proiektu berritzaileak eta sormena lantzen dutenak bultzatzen ditugu. Gure jarduera pedagogikoa bost zutabe nagusitan oinarritzen da: partehartzea, antolaketa, hautaketa, behaketa eta sormena.
Ikastola ez-konfesionala gara.
Aita Larramendi Ikastolaren titularra, Gurasoen Kooperatiba Elkartea da. Erkide, Euskadiko lan elkarteen, irakaskuntza eta kreditu kooperatiben federazioaren kideak gara.
Kultur-aniztasuna lantzen da proiektu pedagogikoaren barruan. Europar proiektuetan parte hartzen dugu. Bigarren Hezkuntzaren amaieran Europara ikasketa amaierako bidaia egiten dugu. Batxilergoan elkartruke proiektu bat dugu martxan, Europako beste herrialdeetako kulturak ezagutzeko.
Eskola Jasangarria ziurtagiria dugu eta Agenda 30 taldea ere antolatuta dugu, langile, ikasle eta gurasoen partehartzearekin.
Euskal Herriko Ikastolak elkarteko kide gara. Ikastolan euskara lehen hizkuntza da irakaskuntzarako komunikazio bide eta tresna bezala. Hizkuntz eta didaktika mailako ereduak denboraren gorabeherei egokitzen eta hobetzen joan gara eta goaz, baina euskararen erabilera aldaezinezko helburu bezala mantentzen dugu.
Tradizioa eta kultura garaikidea uztartuz. Euskaldun izateak, euskara jakin eta hitz egiteaz gain, beste ezagupen eta ohiturak barneratzea eskatzen duela uste dugu: herri bezala ditugun historia, ohiturak eta ñabardurak ezagutuz, biziz eta sentituz.
Aniztasunari erantzuten diona. Ikasle guztiei oinarrizko ikasketa eta harreman heziketarako esperientzia multzo berbera eskaintzen diegu, ezaugarri bereizgarriak alde batera utziz.
Generotik kanpo egiten dugun hezkuntza bultzatzen dugu. Sexismoa, rol eta balio tradizionalak baztertu eta pertsona bakoitzaren nortasuna eta izaera aintzat hartzen duen ikastola gara. HEZKIDETZA PLANA.
Zure seme edo alabaren hezkuntza eta Ikastolaren kudeaketa orokorra denon artean daramagu aurrera. Parte hartzeko hainbat modu eta maila daude:
- Batzar Nagusia
- Artezkaritza Kontseilua
- Gelako Guraso Ordezkariak
Teknologia eta zientzien berrikuntza eta garapenak bereganatuz, gizakiaren balore etiko eta moralak indartzea gure asmoa da, aspektu biak elkarren kontra jarri gabe. Proiektu berritzaileak eta sormena lantzen dutenak bultzatzen ditugu. Gure jarduera pedagogikoa bost zutabe nagusitan oinarritzen da: partehartzea, antolaketa, hautaketa, behaketa eta sormena.
Ikastola ez-konfesionala gara.
Aita Larramendi Ikastolaren titularra, Gurasoen Kooperatiba Elkartea da. Erkide, Euskadiko lan elkarteen, irakaskuntza eta kreditu kooperatiben federazioaren kideak gara.
Kultur-aniztasuna lantzen da proiektu pedagogikoaren barruan. Europar proiektuetan parte hartzen dugu. Bigarren Hezkuntzaren amaieran Europara ikasketa amaierako bidaia egiten dugu. Batxilergoan elkartruke proiektu bat dugu martxan, Europako beste herrialdeetako kulturak ezagutzeko.
Eskola Jasangarria ziurtagiria dugu eta Agenda 30 taldea ere antolatuta dugu, langile, ikasle eta gurasoen partehartzearekin.
Kooperatiba gara
Kooperatiba gara
Elkarrekin egiten dugu lan
Aita Larramendi Ikastolaren antolaketa eredua kooperatiboa da. Kooperatibak gu geu izateko eta guk geuk egiteko ahalmena ematen digu. Elkarrekin egiten dugu lan. Asmoak elkarrekin partekatzen, erabakitzen eta lortzen ditugu.
