Batxilergoko 1. mailako ikasleak Kutxa Fundazioak antolaturiko Inspira Bizitzak 2023 jardunaldian izan dira aste honetan, Donostiako Eureka! Zientzia Museoan. Bertan, Artearen eta Giza Zientzien esparruan nahiz Zientziaren eta Teknologiaren eremuan ibilbide esanguratsuak izandako hainbat pertsonaren lekukotzak entzun ahal izan zituzten, lehenik. Besteak beste, arkeologoak, udaltzainak, aktoreak, irakasleak, soziologoak, kimikariak, erizainak eta ingeniariak. Testigantza anitzak izan ziren guztiak ere, ohiko ibilbideetatik kanpokoak ere bai, maiz.
Atsedenaldiaren ondoren, hizlari guztiek bere lan tresnak zein baliabideak erakutsi zituzten banakako stand-etan eta ikasleek, euren interesetatik abiatuta, haiekin hitz egiteko edo zalantzak galdetzeko aukera izan zuten. Euren etorkizuneko bidea irudikatzen laguntzeko aukera polita.
